"Бавария" марказий ҳимоячиси Дайо Упамеканонинг Мадриднинг "Реал" клубига ўтиши даргумон.
"Қаймоқранглилар" 27 ёшли футболчига даъвогарлар қаторида тилга олинаётганди, бироқ энди келишув амалга ошиши даргумонлигини тушунишмоқда. ESPN хабарига кўра, Ла Лига гранди деярли таслим бўлган ва Упамекано номзодидан бутунлай воз кечиш арафасида. Катта эҳтимол билан француз "Бавария" билан шартномани узайтиради.
Дайо Упамеканонинг мюнхенликлар билан амалдаги шартномаси 2026 йилнинг ёзигача мўлжалланган. Футболчига "Ливерпуль" ва "ПСЖ" клублари ҳам қизиқиш билдирмоқда. Жорий мавсумда ҳимоячи Венсан Компани жамоаси сафида 21 та ўйинда майдонга тушиб, 1 та гол урган.













