"Bavariya" markaziy himoyachisi Dayo Upamekanoning Madridning "Real" klubiga o‘tishi dargumon.
"Qaymoqranglilar" 27 yoshli futbolchiga da’vogarlar qatorida tilga olinayotgandi, biroq endi kelishuv amalga oshishi dargumonligini tushunishmoqda. ESPN xabariga ko‘ra, La Liga grandi deyarli taslim bo‘lgan va Upamekano nomzodidan butunlay voz kechish arafasida. Katta ehtimol bilan fransuz "Bavariya" bilan shartnomani uzaytiradi.
Dayo Upamekanoning myunxenliklar bilan amaldagi shartnomasi 2026 yilning yozigacha mo‘ljallangan. Futbolchiga "Liverpul" va "PSJ" klublari ham qiziqish bildirmoqda. Joriy mavsumda himoyachi Vensan Kompani jamoasi safida 21 ta o‘yinda maydonga tushib, 1 ta gol urgan.













