"Манчестер Юнайтед" бош мураббийи Рубен Аморим марказий ҳимоячи Харри Магуайр ва ярим ҳимоячи Каземиро билан шартномани узайтириш имкониятини истисно этмаяпти.
Ҳар икки футболчининг амалдаги шартномаси ярим йилдан сўнг ўз ниҳоясига етади. Маълум бўлишича, англиялик ва бразилиялик футболчи клубда қолиш учун маошининг сезиларли даражада пасайишига рози бўлиши керак.
"Ҳали қарор қабул қилинмаган. Мен Магуайр ва Каземиродан жуда мамнунман, лекин уларни нима кутаётганини билмайман. Кўп нарса мавсум якунига боғлиқ бўлади. Кўрамиз, чемпионатда қайси ўринни эгаллар эканмиз, еврокубокларга йўл олармиканмиз," - дея Аморимнинг сўзларини келтирмоқда инглиз ОАВ.
"Манчестер Юнайтед" 17-турдан кейин Премьер-лига турнир жадвалида еттинчи ўринда бормоқда.
