"Челси" бош мураббийи Энцо Мареска 18 ёшли Эстевао Виллиан ҳақида қандай фикрда эканини айтди.
Ёш вингер жамоадаги дебют мавсумида ўзини ёрқин намоён қилмоқда. У жароҳат туфайли "кўклар"нинг сўнгги икки ўйинида майдонга тушмади.
"Эстевао - ҳозирданоқ дунёдаги энг яхши ёш футболчилардан бири, аммо у тинимсиз ўз устида ишлашда давом этиши керак. Шубҳасиз, агар у ўсишда давом этса, энг яхши футболчилардан бирига айланиши мумкин," - дея Маресканинг сўзларини келтиради BBC Sport.
Шанба куни "Челси" Премьер-лигада "Астон Вилла"га қарши уй учрашувини ўтказади. Эстевао майдонга тушишга тайёр, бу ҳақда аввалроқ Лондон гранди бош мураббийи маълум қилганди.
