"Манчестер Сити", "Жирона", "Нью-Йорк Сити", "Мельбурн" ва бошқа клубларга эгалик қилувчи City Football Group "Мумбай Сити"даги улушини сотганини эълон қилди.
Гуруҳ баёнотида айтилишича, қарор "ҳар томонлама тижорий таҳлилдан сўнг, шунингдек, Ҳиндистон Суперлигасининг келажаги бўйича ноаниқлик сақланиб қолаётгани сабабли" қабул қилинган.
City Football Group 2019 йилда ҳинд клубининг назорат пакетини сотиб олган эди.













