"Барселона" "Бенфика" ҳимоячиси Николас Отамендини қўлга киритиши қийин бўлади.
Mundo Deportivo хабарига кўра, каталонияликлар қишки трансферлар вақтида 37 ёшли аргентиналик футболчини ўз сафига қўшиб олиш вариантини кўриб чиқмоқда. Бироқ, португалияликлар бош мураббийи Жозе Моуриньо "бургутлар" раҳбариятига мурожаат қилиб, Отаменди "кўк-анорранглилар" сафига ўтмаслиги учун у билан шартномани узайтириш бўйича музокараларни имкон қадар тезроқ якунлашни сўраган.
Николас Отаменди 2020 йилда "Манчестер Сити"дан 15 миллион евро эвазига "Бенфика"га ўтган эди. Унинг португал клуби билан амалдаги шартномаси 2026 йилнинг 30 июнига қадар имзоланган. Жорий мавсумда ҳимоячи 32 та ўйинда майдонга тушиб, 3 та гол урди ва 4 та голли узатмани амалга оширди.













