"Манчестер Сити" бош мураббийи Хосеп Гвардиола Англия чемпионлиги учун бўлаётган кураш ҳақида ўз фикрини билдирди.
Ҳозирги вақтда "шаҳарликлар" Премьер-лига турнир жадвалида "Арсенал"дан икки очко орқада, иккинчи ўринда бормоқда.
"Мен ҳаммадан ўн очко олдинда бўлишни истардим, аммо вазият шундай. "Арсенал" жуда яхши ўйин кўрсатмоқда, лекин биз ҳам курашдан четда эмасмиз. Ҳали декабрнинг охири холос. Чемпионлар Лигасида ҳам юқори поғонадамиз, Лига Кубогининг ярим финалига етиб келдик, тез орада Англия Кубогидаги сафар бошланади... Баъзи асосий ўйинчиларимиз сафга қайтмоқда, шунинг учун кўрамиз - қадам-бақадам, ўйинма-ўйин ҳаракат қиламиз," - дея Гвардиола журналистларга маълум қилди.
Ўтган мавсумда "Манчестер Сити" Англия чемпионатини учинчи ўринда якунлаган эди.
