Узоқ йиллар давомида Мадриднинг "Реал" клубида тўп тепган "Байер" ҳимоячиси Лукас Васкес Зинедин Зидан билан бирга ишлаганини эслади.

Француз 2016 йилда "қаймоқранглилар"ни қабул қилган ва кетма-кет уч марта жамоа Чемпионлар лигасида зафар қучган, шундан сўнг лавозимини тарк этганди. 2019 йилда афсонавий собиқ ярим ҳимоячи яна қайтди ва 2021 йилгача ўз лавозимида қолди - шундан бери унинг мураббийлик фаолияти тўхтаб турибди.

"Зидан кийиниш хонасининг кумири эди, биз ҳаммамиз унга қойил қолардик. Аввалига ҳеч ким унинг бундай муваффақиятга эришишини тасаввур қилмаган эди, лекин у ҳар доим ўйлаган нарсасини юзига айтди, шу билан бирга ҳар бир кишига катта эътибор қаратди - бу жуда қадрли.

Мени энг ҳайратга солгани унинг футболчиларга бўлган ишончи бўлди. Зидан футболчи бўлиш қандай бўлишини жуда яхши билади ва футболчиларнинг фикрларини жуда яхши тушунади. У жамоа билан жуда яқин эди," - дея Васкеснинг сўзларини келтиради Madrid Universal.

Миш-мишларга кўра, ЖЧ-2026дан кейин Зинедин Зидан Франция терма жамоасида Дидье Дешамнинг ўрнини эгаллайди.