Мадриднинг "Реал" клуби "АЗ Алкмар"нинг 19 ёшли ярим ҳимоячиси Кес Смитга қизиқиш билдирмоқда. Бу ҳақда The Athletic хабар бермоқда.
Манбанинг таъкидлашича, ўтган ёзда "қаймоқранглилар" нидерландиялик футболчини 29 ёшли Даниэл Себальос ўринбосар сифатида кўраётган эди. "АЗ Алкмар" Смитни қишки трансфер ойнасида қўйиб юбормоқчи эмас ва унинг келажакдаги сотувидан тахминан 60 миллион евро ишлаб олмоқчи. Ярим ҳимоячига "Реал"дан ташқари "Барселона", "Манчестер Юнайтед", "Ньюкасл" ва Дортмунднинг "Боруссия" клублари қизиқиш билдирмоқда.
Жорий мавсумда Смит барча мусобақаларда 27 та ўйинда майдонга тушиб, 2 та гол ва 5 та голли узатмага муаллифлик қилди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 22 млн еврони ташкил этади.
