"Фламенго" мураббий Филипе Луис билан янги шартнома шартлари бўйича келиша олмаяпти. Истиқболли мутахассис жамоани Бразилия чемпионати ва Либертадорес кубогида зафар қучишга олиб келди, бироқ шу билан томонларнинг меҳнат муносабатлари якунланиши мумкин. Журналист Венья Касагранде хабарига кўра, агент Жорже Мендеш Луис учун йилига 5 млн евро маош сўраган, шунингдек, келишувга чет эл клублари мураббийни арзимаган пул эвазига қўлга киритиши мумкин бўлган товон пули бандини киритишни талаб қилган. "Фламенго" раҳбарияти талабларни жуда юқори деб топди ва рад жавобини берди.
Манбага ишонадиган бўлсак, мураббийда "нореал" сўровдан воз кечиш ва шартномани узайтириш учун бир кун вақт бор. Мадриднинг "Атлетико" клубининг машҳур собиқ футболчиси агар ватанини тарк этишга қарор қилса, Европанинг етакчи чемпионатларидан бирига ишга жойлашиши мумкин.
