"Челси" Премьер-лиганинг 18-турида ўз уйида "Астон Вилла"га имкониятни бой бериб қўйди (1:2). Лондонликлар устози Энцо Мареска мағлубият сабабини айтди.
"Ўйлашимча, биз гол ўтказиб юборгунга қадар бир соат давомида устунлик қилдик. Биз жуда яхши эдик. Афсуски, "Астон Вилла"нинг биринчи голидан кейин динамика ўзгарди. Ўйлашимча, бу вақтга келиб биз яна икки ёки учта гол уришимиз керак эди. Ҳа, рақибдаги ўзгаришлар ўйинга таъсир қилди, аммо такрор айтаман, биз 60-дақиқага келиб кўпроқ гол уришимиз керак эди," - деди "кўклар" бош мураббийи Энцо Мареска Match of the Day билан суҳбатда.













