Миланнинг "Интер" клуби ярим ҳимоячиси Давиде Фраттези яна бир клуб қизиқишлари доирасига тушиб қолди.
26 ёшли футболчини "Фенербахче" нишонга олган. SportMediaset хабарига кўра, турк гранди "нерадзуррилар"га 40 млн еврога сотиб олиш шарти билан ижара таклифини беришга тайёр. Хавбек ҳозирча бунга ишончи комил эмас: у ЖЧ-2026 арафасида Италияда қолишни афзал кўради.
Аввалроқ, Давиде Фраттесининг қишки трансфер ойнасида "Ювентус"га ўтиш истаги борлиги ҳақида хабарлар тарқалган эди. Transfermarkt портали футболчининг нархини 28 млн еврога баҳоламоқда, унинг "Интер" билан амалдаги шартномаси 2028 йилнинг ярмигача мўлжалланган.













