Украина терма жамоаси ва Англиянинг "Эвертон" клуби ҳимоячиси Виталий Миколенко фаолиятини Туркия чемпионатининг топ-клубида давом эттириш вариантига эга. Бу ҳақда Fotospor журналистлари хабар берди.
Манбага маълум бўлишича, украиналик футболчига Истанбулнинг "Галатасарой" клуби қизиқиш билдирмоқда. Турклар қишки трансфер ойнасида келишувни расмийлаштирмоқчи.
Эслатиб ўтамиз, Миколенконинг "ирислар" билан амалдаги шартномаси келаси йилнинг ёзида ўз ниҳоясига етади. Ҳимоячининг бозор нархи 25 миллион еврони ташкил этади.
Англия чемпионатининг жорий мавсумида 26 ёшли украиналик футболчи 15 та ўйинда майдонга тушиб, 4 та сариқ карточка олди.
