Италиянинг "Милан" клуби Суперкубокдаги муваффақиятсизликдан сўнг чемпионатга қайтмоқда ва ўн еттинчи тур доирасида "россонерилар" "Верона"га қарши майдонга тушади. Бу Массимилиано Аллегри шогирдлари учун уй учрашуви бўлади - унда аншлаг бўлиши кутилмоқда.

Клуб матбуот хизматининг маълум қилишича, ўйинга деярли барча чипталар сотилган - 73 минг атрофида. Италияликлар ўтган турни "Милан" ўтказиб юборгани учун футболни соғинишганми ёки Рождество байрами муносабати билан энди бўш вақтлари кўпайганми?

Эслатиб ўтамиз, "Милан" айни дамда Италия А Серияси мусобақа жадвалида 2-ўринни эгаллаб турибди.