Франциянинг "Осер" клубига тегишли бўлган малилик форвард Ласин Синайоко туманли Альбионга кўчиб ўтиши мумкин. Бу ҳақда Africafoot журналистларига маълум қилинди.
Манбага кўра, "Манчестер Юнайтед" 26 ёшли африкалик футболчининг трансфери бўйича музокаралар олиб бормоқда. Келишув келаси йилнинг ёзида, Синайоко эркин агентга айланганида расмийлаштирилиши мумкин. "Олд Траффорд"да ҳужумчи йилига уч миллион евро маош олиши мумкин.
Футболчи Франция чемпионатининг 2025/2026 йилги мавсумида 16 та ўйин ўтказиб, 6 та гол ва 2 та голли узатмани ўз ҳисобига ёздириб қўйди. Футболчининг бозор нархи етти миллион еврони ташкил қилади.
