"Ноттингем Форест" бош мураббийи Шон Дайч "Манчестер Сити"га қарши ўйиндаги ҳакамликдан норози бўлди. АПЛ ўн саккизинчи туридан ўрин олган учрашув 1:2 ҳисобида "ўрмончилар"нинг мағлубияти билан якунланди.
"Бу, афсуски, ўйинга бўлган асосий эътироз. Ҳакамлар ҳақида гапирмасликка ҳаракат қиламан. Умуман олганда, улар ўз ишларини яхши уддалашмоқда, аммо бугун омадсиз кун бўлди," - дея мураббийнинг сўзларини келтиради BBC.
"Мен аллақачон VAR бўйича ҳисобот сўровини юборганман, чунки Морган Гиббс-Уайт билан содир бўлган воқеа қоидабузарлик ҳисобланмаслиги мумкин эмас, деб ўйлайман".
"Ноттингем Форест" 18 очко билан ўн еттинчи, "Манчестер Сити" эса 40 очко билан иккинчи ўринда бормоқда.
