Англия Премьер-лигасининг 18-тури доирасида "Астон Вилла" сафарда "Челси"ни мағлуб этди. Учрашув 2:1 ҳисобида якунланди. Айтиш керакки, учрашув давомида Унаи Эмери жамоаси 0:1 ҳисобида имкониятни бой бериб келаётган эди.
OptaJoe хабарига кўра, Премьер-лиганинг сўнгги уч мавсумида "Астон Вилла" мағлубиятга учраётган жойидан чиқиб кетиб, энг кўп очко (54) тўплаган. Эслатиб ўтамиз, "Челси" устидан қозонилган ғалаба "Астон Вилла" учун барча мусобақаларда қаторасига 11-си бўлди.
Бирмингем жамоаси 18 турдан сўнг 39 очко билан Англия чемпионати турнир жадвалида учинчи ўринда бормоқда. Пешқадамдан ортда қолиш атиги уч очкони ташкил этади.
"Астон Вилла" кейинги турда Лондоннинг "Арсенал" клубига қарши сафарда (30 декабрь) баҳс олиб боради.
