Мадриднинг "Реал" клуби вингери Родриго Англия Премьер-лигасининг топ-клубларидан бири "Ливерпуль"нинг қизиқишлар доирасида.
Defensa Central хабарига кўра, мерсисайдликлар 24 ёшли бразилиялик футболчи учун 50-60 миллион евро таклиф қилиши мумкин. "Қизиллар" сафида Родриго жамоадаги келажаги номаълум бўлган мисрлик Муҳаммад Салоҳнинг ўрнини эгаллаши мумкин.
Бразилиялик футболчи "қироллик клуби" билан 2028 йилнинг ярмигача мўлжалланган шартномага эга.
Родриго жорий мавсум "қаймоқранглилар" сафида 21 та баҳсда иштирок этиб, 2 та гол ва 4 та голли узатма муаллифи бўлди.
