Мадриднинг "Реал" клуби келаси ёзда эркин агентга айланадиган ярим ҳимоячиларни кузатиб бормоқда. "Қаймоқранглилар" қишки трансферлар вақтида бу позицияни кучайтиришни режалаштирмаяпти. Бу ҳақда АS хабар бермоқда.
Манбага кўра, "Қироллик клуби" учун вариантлардан бири Португалия терма жамоаси ва "Ал-Ҳилол"нинг 28 ёшли ярим ҳимоячиси Рубен Невеш бўлиб, унинг меҳнат шартномаси 2026 йилнинг ёзигача мўлжалланган. Таъкидланишича, Саудия Арабистони жамоаси агар 15-20 млн евролик таклиф олса, футболчини жорий қишда сотиб юборишга тайёр.
Невеш "Ал-Ҳилол" сафида 2023 йилнинг ёзидан буён тўп тепиб келмоқда. Жорий мавсумда у барча мусобақаларда 16 та ўйинда майдонга тушиб, 5 та гол ва 1 та голли узатмага муаллифлик қилди. Transfermarkt порталида келтирилган маълумотларга кўра, футболчининг бозор нархи 25 млн еврони ташкил этади.
