Украиналик ҳуқуқшунос Дмитрий Коробко Харьковнинг "Металлист" клуби Чемпионлар лигасидан чиқариб юборилиши мумкинлигини истисно этмаяпти, деб ёзади Сегодня.ua.
Қайд этиш жоиз, ушбу клуб "Карпати" билан ўйиннинг келишилгани учун 2007/2008 йилги мавсум "бронза" медалларидан маҳрум қилинганди.
"Бундай вариант эҳтимолдан ҳоли эмас. УЕФА ўзини қандай тутишини ҳозирдан айтиш қийин. Нима бўлган тақдирда ҳам, клубда 30 кун ичида Швейцария федерал судига қарор юзасидан шикоят қилиш имконияти бор. Агар суд буни тўхтатиб қўйса, УЕФАнинг буни бажаришдан бошқа чораси қолмайди. У ҳолда жамоа Чемпионлар лигасида иштирок этиш имкониятини сақлаб қолади", деди Коробко.
