"Манчестер Сити" "Борнмут" вингери Антуан Семеньо трансфери бўйича келишувни ёпмоқда.
"Шаҳарликлар" аллақачон футболчи билан оғзаки келишувга эришган ва трансфер амалга ошишига шубҳа қилмаяпти, гарчи "Ливерпуль" ҳали ҳам пойгадан чиқмаган бўлса-да. Инсайдер Фабрицио Романонинг ёзишича, шу ҳафта "Манчестер Сити" "Борнмут" билан музокара ўтказади - музокаралар натижасида трансфернинг барча шартлари ҳал бўлиши мумкин.
Аввалроқ Антуан Семеньонинг шартномасида 65 млн фунт стерлинг (деярли 75 млн евро) миқдорида товон пули кўрсатилгани ва у 10 январгача амал қилиши маълум бўлганди. Премьер-лиганинг жорий мавсумида 25 ёшли ганалик футболчи 16 та ўйинда 8 та гол урди ва жамоадошларига 3 та голли узатмани амалга оширди.
