Миланнинг "Интер" клуби ҳужумчиси Лаутаро Мартинес А Серия доирасидаги "Аталанта"га (1:0) қарши ўйиндан сўнг интервью берди.
Айнан 28 ёшли сардор беллашувдаги ягона гол муаллифи бўлди - у 65-дақиқада рақиб дарвозасини ишғол қилди.
"Аталанта" - жуда кучли рақиб, сўнгги йилларда чемпионат ва еврокубокларда ажойиб ўйин кўрсатди. Ўйинга жуда яхши тайёргарлик кўрдик ва ниятимизни ажойиб тарзда амалга оширдик. Ҳар доим ишлаш керак бўлган нарсалар бор, лекин бу энг муҳим уч очко. Яхши ўйин кўрсатяпмиз, ишимиздан мамнунман," - деди аргентиналик форвард DAZN билан суҳбатда.
"Интер" 16 турдан кейин 36 очко билан мусобақа жадвалида пешқадамлик қилмоқда.
