Milanning "Inter" klubi hujumchisi Lautaro Martines A Seriya doirasidagi "Atalanta"ga (1:0) qarshi o‘yindan so‘ng intervyu berdi.
Aynan 28 yoshli sardor bellashuvdagi yagona gol muallifi bo‘ldi - u 65-daqiqada raqib darvozasini ishg‘ol qildi.
"Atalanta" - juda kuchli raqib, so‘nggi yillarda chempionat va yevrokuboklarda ajoyib o‘yin ko‘rsatdi. O‘yinga juda yaxshi tayyorgarlik ko‘rdik va niyatimizni ajoyib tarzda amalga oshirdik. Har doim ishlash kerak bo‘lgan narsalar bor, lekin bu eng muhim uch ochko. Yaxshi o‘yin ko‘rsatyapmiz, ishimizdan mamnunman," - dedi argentinalik forvard DAZN bilan suhbatda.
"Inter" 16 turdan keyin 36 ochko bilan musobaqa jadvalida peshqadamlik qilmoqda.
