Мадриднинг "Атлетико" клуби ҳужумчиси Жакомо Распадори қишки трансфер ойнасида клубни тарк этишга тайёр.
25 ёшли футболчига "Рома" қизиқиш билдирмоқда. Инсайдер Николо Скиранинг янгиланган ҳисоботида айтилишича, италиялик футболчи ватанига қайтишга қарор қилган ва "матрасчилар" уни январь ойида Рим клубига қўйиб юборишига умид қилмоқда. "Жаллоросси" ҳужумчи билан 2030 йилгача мўлжалланган шартномани келишиб бўлган.
"Рома" Жакомо Распадорини "Атлетико"дан 20 млн еврога сотиб олиш имконияти билан ижарага олишни режалаштирмоқда. Клублар ўртасида келишувга эришилмаган, музокаралар давом этмоқда. Август ойида мадридликлар футболчини "Наполи"дан 22 млн еврога сотиб олганди.
