Мадриднинг "Реал" клуби собиқ ҳужумчиси Ипполито Ринкон "қаймоқранглилар" ярим ҳимоячиси Жуд Беллингемнинг ҳаракатларини танқид қилди.
Унинг сўзларига кўра, жамоа бош мураббийи Хаби Алонсо англиялик футболчига максимал фойда келтириши учун майдонда жой топиши керак бўлади.
- Жуд бекорга югуриб юрибди. Хаби унга ўз позициясини топиб бериши керак," - деди Ринкон Marca газетасига берган интервьюсида.
2025/2026 йилги мавсумда Беллингем барча ўйинларда 26 та учрашув ўтказиб, олтита гол урди ва бешта голли узатмани амалга оширди.
Беллингем "Реал"га 2023 йилда "Боруссия" Дортмунддан 127 млн евро эвазига ўтганди, ҳозирда у 160 млн еврога баҳоланмоқда.
