Англиялик машҳур футболчи Рио Фердинанд ўзининг ижтимоий тармоқдаги саҳифасига янги пост жойлаб, енгил вазн тоифасида UFC собиқ чемпиони россиялик Ҳабиб Нурмагомедов билан тушган суратини кўрсатди.
Аввалроқ Ҳабиб Дубайда (БАА) бўлиб ўтган Globe Soccer Awards маросимида иштирок этганди.
"Эртага саҳнада кўришгунча," - деб ёзди Нурмагомедов ижтимоий тармоқдаги саҳифасида.
- Хўп бўлади, биродар, - деди Фердинанд.

Нурмагомедов аралаш яккакурашлардаги фаолияти давомида 29 та жанг ўтказиб, уларда 29 та ғалабага эришган. UFC’да 13 та ғалаба қайд этилган. Унинг сўнгги жанги америкалик Жастин Гэтжига қарши кечди. Уларнинг жанги 2020 йил октябрь ойида UFC 254 мусобақасида бўлиб ўтди. Россиялик жангчи иккинчи раундда бўғиш усулини қўллаб, ғалаба қозонди.













