"Бавария" ОАВдаги миш-мишларга қарамай, "Васко да Гама" форварди Райан билан шартнома имзолашга қизиқмаяпти.
Журналист Флориан Плеттенбергнинг маълум қилишича, Мюнхен клуби скаутлари ёш бразилияликни ўрганиб чиқишган, бироқ у жамоанинг қишки ва ёзги трансферлар ойнасидаги мақсади эмас. Амалдаги Германия чемпионлари раҳбариятининг режалари бошқача. "Бавария" Райан бўйича таклиф бермоқчи эмас ва клублар ўртасида ҳеч қандай музокаралар йўқ.
19 ёшли Райан "Васко да Гама" тарбияланувчиси ҳисобланади. ОАВда ёш ҳужумчига "Зенит" қизиқиш билдираётгани ҳақида кўп ёзишмоқда. Transfermarkt портали футболчининг нархини 25 миллион еврога баҳоламоқда. Унинг шартномаси 2028 йилнинг 31 декабрига қадар имзоланган.
