Англиянинг "Арсенал" клуби 20 ёшли бразилиялик ярим ҳимоячи Брено Бидон билан шартнома имзолаш ҳақида ўйламоқда. Бу ҳақда Bolavip нашри ёзмоқда.
Манбаларнинг таъкидлашича, "Арсенал" "Коринтианс" шарафини ҳимоя қилаётган Бидонни кузатиб бормоқда. У жорий мавсум Бразилия чемпионатида 33 та ўйинда майдонга тушди ва 1 та гол ҳамда 1 та голли узатмага муаллифлик қилди.
Октябрь ойида Бидонга "Зенит" қизиқиш билдираётгани хабар қилинганди. Аммо футболчи ўшанда рад жавобини берган.













