"Монако" хавбеки Магнес Аклиуш қишки трансферлар вақтида Франция чемпионатини Англия Премьер-лигасига ўзгартириши мумкин. Бу ҳақда Mail Sport журналистлари хабар берди.
Манбанинг маълум қилишича, 23 ёшли ярим ҳимоячини Лондоннинг "Тоттенхэм" клуби ўз сафига қўшиб олмоқчи. Французнинг трансфер нархи 45 миллион еврога баҳоланмоқда. Аклиушнинг монаколиклар билан амалдаги меҳнат шартномаси 2028 йил июнь ойи охирида тугайди.
Франция чемпионатининг жорий мавсумида Магнес "Монако"нинг 15 та ўйинида иштирок этди. У 3 та гол ва 2 та ассистни ўз ҳисобига ёздириб қўйди.
