Килиан Мбаппе тиззасидаги муаммо туфайли Испания Суперкубогини ўтказиб юборади. Бу ҳақда L'Equipe хабар бермоқда.
Манбага кўра, франциялик футболчи бир неча ҳафта кетма-кет тиззасида ноқулайлик ҳис қилган. Аввалига бу арзимас муаммо бўлиб туюлди, аммо чоршанба куни эрталаб ўтказилган тиббий кўрик пайларнинг шикастланганини кўрсатди, бу эса узоқ вақт давомида тикланишни талаб қилади.
Мбаппе қачон майдонга қайтиши ҳозирча номаълум, бироқ 8 январга белгиланган Испания Суперкубоги ярим финалида "Атлетико"га қарши ўйинда у жамоага ёрдам бермаслиги аниқ.
Жорий мавсумда 27 ёшли форвард клублар миқёсида 24 та ўйинда 29 та гол ва 5 та голли узатмага муаллифлик қилган.
