«Барселона» дарвозабони Марк-Андре тер Штеген қишки трансфер ойнасида муҳитни кескин ўзгартиришни режалаштирмаяпти. Diario Sport Х ижтимоий тармоғида хабар беришича, немис посбони «кўк-анорранглилар» раҳбариятига Туркия каби экзотик йўналишлар ёки Англия сингари узоқ мамлакатлар учун клубни тарк этиш нияти йўқлигини маълум қилган.
Манбага кўра, тер Штеген Барселона шаҳрида яшашни давом эттиришни истайди. Шу боис, дарвозабон учун клубни алмаштиришнинг ягона варианти сифатида Испания Ла Лигасида тўп сураётган каталониялик «Жирона»га ижара асосида ўтиш варианти қолмоқда.
Марк-Андре тер Штеген 2014 йил июлидан буён «Барселона» сафида ўйнаб келмоқда. 2025/2026 йилги мавсумда у «кўк-анорранглилар» таркибида фақат биргина учрашувда — Испания Кубогида майдонга тушган.













