"Челси"нинг янги бош мураббийи "Страсбург" устози Лиам Росеньор бўлиши мумкин, дея хабар бермоқда ESPN.
Манбага кўра, 41 ёшли инглиз "Челси"да узоқ муддатли истиқболда ишлаши мумкин бўлган номзод сифатида кўрилмоқда. Шу билан бирга, "кўклар" "Кристал Пэлас"дан 51 ёшли австриялик Оливер Гласнерни таклиф қилмоқчи эмас.
Росеньор "Страсбур"да 2024 йилнинг июлидан буён ишлаб келмоқда. Унинг шартномаси 2028 йилнинг 30 июнига қадар мўлжалланган. Англиялик мураббий қўл остида французлар жамоаси 62 ўйинда 32 ғалаба, 13 дуранг ва 17 мағлубият қайд этган. У 16 ўйиндан сўнг 23 очко билан мамлакат чемпионати жадвалида саккизинчи ўринни эгаллаб турибди.
1 январь куни "Челси" 2024 йилнинг ёзидан бери жамоани бошқариб келаётган Маресканинг истеъфосини эълон қилган эди.
