Мадриднинг "Реал" клуби ярим ҳимоячиси Арда Гюлер Лондоннинг "Арсенал" клубининг эҳтимолий трансфер мақсади ҳисобланади.
"Канонирлар" вакиллари 20 ёшли футболчининг ҳолатини кузатиб бормоқда ва агар уни ўз томонига оғдириб олиш имконияти туғилса, музокара бошлашга тайёр. "Арсенал" туркиялик юлдузни сотиб олиш опцияси билан ижарага олишни кўриб чиқмоқда, деб ёзади Caught Offside. Бироқ, мадридликлар гранди бош мураббийи Хаби Алонсо ҳамон футболчидан умид қилмоқда ва унинг кетишини маъқулламайди.
Арда Гюлернинг Transfermarkt сайтидаги нархи - 90 млн евро. Жорий мавсумда хавбек барча мусобақаларда "қаймоқранглилар" сафида 25 та ўйинда 3 та гол ва 7 та ассистни ўз ҳисобига ёздириб қўйди.
