"Ливерпул" ярим ҳимоячиси, "Астон Вилла"да ижара асосида тўп тепаётган Харви Эллиотт МЛС клубига ўтишни режалаштирмаяпти, деб хабар берди Х ижтимоий тармоғида инсайдер Фабрицио Романо.
Манбага кўра, 22 ёшли англиялик футболчини "Шарлотт" ижарага олмоқчи. Эллиотнинг ўзи бу вариантга қизиқиш билдирмайди.
Шу ҳафтада "Астон Вилла" биринчи навбатда футболчини сотиб олишни режалаштирмаётгани ва у билан муддатидан олдин хайрлашмоқчи экани ҳақида маълумот пайдо бўлди.
Бу мавсумда Эллиотт барча мусобақаларда 7 та ўйинда майдонга тушиб, 1 та гол урган.
