"Челси" футболчиси Педру Нету мухлисларни ижобий кайфиятда бўлишга чақирмоқда. 1 январь куни 2024 йил ёзидан бери жамоа бош мураббийи лавозимида ишлаб келаётган Энцо Мареска клубни тарк этгани маълум бўлганди.

"Челси" мухлисларига мурожаат? Ижобий кайфиятни сақлаб қолиш керак - бу мавсум ҳали олдинда. Биз курашишда давом этмоқдамиз, бизни узоқ йўл кутмоқда. Биз мухлисларнинг қўллаб-қувватлашига муҳтожмиз ва ишонтириб айтишим мумкинки, жамоамиз улар учун қўлидан келган барча ишни қилади," - деди Нету Sky Sports’га берган интервьюсида.

Якшанба куни "кўклар" Премьер-лига доирасида "Манчестер Сити" меҳмони бўлади. Лондон жамоасига вақтинча бошқарувчи вазифасини бажарувчи Калум Макфарлен бошчилик қилади.