Лондоннинг "Арсенал" клуби бош мураббийи Микель Артета Виктор Дьёкерешнинг ҳолати ҳақида ўз фикрларини билдириб ўтди.

Англиядаги дебют мавсумининг биринчи ярми ҳужумчи учун унчалик омадли кечмади. Швед "канонирлар" сафида 22 та ўйинда еттита гол урди, буни муваффақиятсизлик деб аташ қийин, аммо юлдуз янги футболчидан кўпроқ нарса кутишган эди.

"Дьёкереш психологик жиҳатдан жуда кучли. Унинг ҳар куни машқ қилаётганини, йиғилишларда ўзини қандай тутишини, ҳар бир ўйинда қандай ишлаётганини, муваффақиятга эришишни қанчалик хоҳлаётганини кўрсам... Ҳаммаси ўз ўрнига тушишини тушунаман. Ҳозир унга фақат битта - кўпроқ гол етишмаяпти," - деди Артета Sky Sports билан суҳбатда.

Виктор Дьёкереш "Арсенал"га 2025 йилнинг ёзида Лиссабоннинг "Спортинг" клубидан деярли 66 миллион евро эвазига ўтганди.