"Эспаньол" ҳужумчиси ва сардори Хавьер Пуадо "Барселона" билан бўлиб ўтадиган дерби ҳақида фикр билдирди.
"Бу жуда муҳим ўйин. "Барселона"га қарши бизни оғир дерби кутиб турганини биламиз. Сўнгги йилларда чемпионатда бу жамоани ўз майдонимизда мағлуб эта олмаяпмиз. Биз буни тузатиб, мухлисларимиз олдида дерби ғолиби бўлишни жуда хоҳлаймиз," - дея Пуадонинг сўзларини келтиради "Match TV."
Испания Ла Лигасининг 18-туридан ўрин олган "Эспаньол" - "Барселона" учрашуви бугун, 3 январь куни бўлиб ўтади. Бош ҳакамнинг бошланғич ҳуштаги Тошкент вақти билан 01:00 да янграйди.
