Мадриднинг "Реал" клуби бош скаути Юни Калафат клуб раҳбариятига "АЗ Алкмар"нинг 19 ёшли ярим ҳимоячиси Кес Смитнинг келаси ёзда Мадрид жамоасига ўтишга тайёрлигини маълум қилди. Бу ҳақда Defensa Central хабар берди.
Манбага кўра, энди "қаймоқранглилар" президенти Флорентино Перес нидерландиялик футболчининг трансфери ташаббускори бўлиши мумкин. Таъкидланишича, битим "Реал"га 40-45 млн еврога тушади, фақат "АЗ Алкмар" нархни оширмаслиги ва сотишдан бош тортмаслиги керак.
Жорий мавсумда Смит барча мусобақаларда 27 та ўйинда майдонга тушиб, 2 та гол ва 5 та голли узатмага муаллифлик қилди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 22 млн еврони ташкил этади.
