Мадриднинг "Реал" клуби ҳужумчиси Килиан Мбаппе жамоанинг сўнгги ўйинларида оғриқ билан ҳаракат қилган. Умуман олганда, у жароҳатланган бўғим билан 270 дақиқа ўтказди, деб ёзади AS нашри.

Футболчи Испания чемпионатида "Алавес" (2:1) ва "Севилья" (2:0) билан ўйинларда, шунингдек, Испания кубогида "Талавера"га қарши ўйинда (3:2) тўлиқ 90 дақиқа ўйнади. Ўтказилган тиббий кўрикдан сўнг, Мбаппенинг Испания Суперкубоги ўйинларида иштирок этиши сўроқ остида қолмоқда.

Суперкубок ярим финал ўйинлари 7 ва 8 январь кунларига белгиланган бўлиб, унда "Барселона" ва "Атлетик" Бильбао, шунингдек, Мадриднинг "Реал" ва "Атлетико" клублари ўзаро баҳс олиб боради. Мусобақа финали 11 январь куни бўлиб ўтади. Турнир Жидда шаҳрида (Саудия Арабистони) бўлиб ўтади.

Мбаппе "Қироллик клуби" сафида 2024 йилнинг ёзидан буён тўп тепиб келмоқда. Шу вақтгача у Мадрид жамоаси сафида 83 та ўйинда 73 та гол урган ва 10 та голли узатмани амалга оширган. Унинг шартномаси 2029 йилнинг июнигача мўлжалланган.