"Ливерпуль" марказий ҳимоячиси Иброҳима Конате Мадриднинг "Реал" клубига ўтмайди. Бу ҳақда журналист Экрем Қўнур хабар бермоқда.
Манбага кўра, "қаймоқранглилар" Конатени кузатишни тўхтатган. Таъкидланишича, футболчи узоқ вақт давомида "Реал"га ўтиш ёки "Ливерпул"да қолиш бўйича якуний қарорга кела олмаган. Шу фонда испан клубининг ўзи бошқа номзодларга ўтишга қарор қилди.
Жорий мавсумда 26 ёшли Конате барча мусобақаларда 24 та учрашувда майдонга тушди ва битта гол урди. Французнинг мерсисайдликлар билан амалдаги меҳнат шартномаси яқин ёзгача мўлжалланган.
