Мадриднинг "Атлетико" клуби президенти Энрике Сересо жамоа Диего Симеоне қўл остида Европанинг бош совринини қўлга киритишга қодир эканига ишонч билдирди.
Клуб раҳбари Чемпионлар Лигасида ғалаба қозониш ҳар қандай турнир иштирокчиси учун ўта мураккаб вазифа бўлиб қолаётганини, аммо ҳозирги таркиб ва бош мураббийнинг иши "Атлетико"га муваффақиятга жиддий умид қилиш имконини беришини таъкидлади.
"Чемпионлар Лигасида ғолиб чиқиш ҳар қандай жамоа учун ўта қийин. Лекин ишончим комилки, Чоло билан бунга эришамиз. Симеоне ва бу жамоа билан бунга эришишимиз мумкин, мен оптимистман. Нега Чемпионлар Лигасида ғалаба қозона олмаяпмиз?", - дея Сересонинг сўзларини келтиради АS.
Чемпионлар Лигасининг ушбу ўйинида "Атлетико" 6 ўйинда 4 ғалаба ва 2 мағлубият қайд этган. 12 очко жамғарган клуб умумий босқич жадвалида саккизинчи ўринда бормоқда.
