Лондоннинг "Тоттенхэм" клуби раҳбарияти Маурисио Почеттинони жамоага қайтариш режасини туза бошлади. Бу ҳақда indykaila News хабар бермоқда.
Манбага кўра, аргентиналикнинг тайинланиши яқин ёзда содир бўлиши мумкин. "Шпорлар" раҳбарияти амалдаги мураббий Томас Франк жамоани узоқ муддатли истиқболда муваффақиятга олиб келмаслигидан хавотирда.
Эслатиб ўтамиз, Почеттино 2014-2019 йилларда "Тоттенхэм"ни бошқарган. Унинг қўл остида жамоа УЕФА Чемпионлар Лигаси финалига қадар етиб борди.
Айни пайтда 53 ёшли мутахассис АҚШ терма жамоасида фаолият олиб бормоқда. 2026 йилнинг ёзида АҚШ, Канада ва Мексика жаҳон чемпионатига мезбонлик қилади.













