Бразилиялик ҳужумчи Родриго Мадриднинг "Реал" клубини тарк этиши мумкинлиги ҳақида янги маълумотлар пайдо бўлди.
Журналист Экрем Конурнинг таъкидлашича, "қаймоқранглилар" Родригони сотиш масаласини кўриб чиқишга тайёр, фақат 100 миллион евро атрофида таклиф бўлса. Акс ҳолда футболчи клубда қолади.
Манбага кўра, айни дамда Родригони ўз сафига қўшиб олиши мумкин бўлган ягона клуб Франциянинг "ПСЖ" клуби ҳисобланади. Аммо бразилиялик футболчининг хизматларига "Арсенал", "Челси", "Ливерпуль" ва "Манчестер Сити" клублари ҳам қизиқиш билдирмоқда.
Бу мавсумда 24 ёшли Родриго барча мусобақаларда 21та ўйинда майдонга тушиб, 2та гол урди ва 4та голга ҳаммуаллифлик қилди.
