Бир неча кун олдин "Реал" ҳужумчиси Килиан Мбаппе жароҳат сабаб 3 ҳафтага сафдан чиққани ҳақида хабар берилган эди.
"Қироллик клуби" бош мураббийи Хаби Алонсо эртанги "Бетис"га қарши ўйин олдидан 27 ёшли француз форвардининг ҳолати бўйича маълумот берди.
"Мбаппени имкон қадар тезроқ қайтариш учун қўлимиздан келганини қиламиз... Умид қиламизки, Килиан Суперкубок учун тайёр бўлади", - деди Алонсо матбуот анжуманида.
Испания Суперкубоги ярим финалида "Реал" 8 январь куни "Атлетико" билан тўқнаш келади.













