"Порту" бош мураббийи Франческо Фариоли Лондоннинг "Челси" клубига ўтиши мумкинлиги ҳақидаги миш-мишларга изоҳ берди.

"Мен "Порту"да қоламан, бу аниқ. Бунга ҳеч қандай шубҳа йўқ ва ҳеч қачон бўлмаган ҳам. Жараённинг ўртасида кетиш мен учун ҳеч қачон муҳокама мавзуси бўлмаган. Мен клубга тўлиқ содиқман," - дея Фариоли сўзларини келтиради журналист Фабритсио Романо Х ижтимоий тармоғидаги саҳифасида.

Фарьоли 2025 йилнинг ёзида Португалия клубини қабул қилиб олганди. 36 ёшли мутахассис билан шартнома 2027 йилнинг 30 июнига қадар мўлжалланган.

Португалия чемпионатида ўтказилган 16 ўйиндан сўнг "Порту" очколари сонини 46тага етказиб, турнир жадвалида "Спортинг"ни 4 очкога ортда қолдирган ҳолда пешқадамлик қилмоқда.