Англия Премьер-лигасининг 20-турида "Вулверхэмптон" ўз майдонида "Вест Хэм"ни қабул қилиб, 3:0 ҳисобида ғалаба қозонди. Роб Эдвардс шогирдлари жорий мавсумдаги илк ғалабасини қўлга киритиб, 252 кун давом этган ғалабасиз серияга барҳам берди.
Жамоа биринчи бўлимда учта гол урди. Бу ғалаба клуб учун аҳамиятли бўлди, чунки "Вулверхэмптон" аввалги 19 ўйинда атиги 3 очко жамғаришга муваффақ бўлганди. Аввалги турда "Манчестер Юнайтед" билан дуранг барча мусобақалардаги 12 мағлубиятдан иборат серияни тўхтатишга ёрдам берди.
Эслатиб ўтамиз, "Вулверхэмптон"нинг бундан аввалги ғалабаси 23 сентябрь куни қайд этилган бўлиб, ўшанда жамоа Англия Лига кубогида зафар қучган эди. Премьер-лигада клуб 26-апрелдан бери ғалаба қозона олмаяпти, ўтган мавсумнинг 34-турида "Лестер" устидан ғалаба қозонилган эди.
