Лондоннинг "Арсенал" клуби ярим ҳимоячиси Мартин Субименди "Борнмут"га қарши ўйинни ажойиб тарзда ўтказди.

Испаниялик футболчи учрашув бошидан охиригача ҳаракат қилди ва "канонирлар"га иродали ғалабани қўлга киритишга ёрдам берди - 3:2. Opta хабарига кўра, хавбек "олчалар"га қарши баҳсда 12 марта тўпни рақибдан тортиб олган - бу "Арсенал"нинг жорий мавсумдаги 29 ўйинда майдонга тушган барча футболчилари орасида энг яхши кўрсаткичдир.

Мартин Субименди ўтган йилнинг ёзида "Реал Сосьедад"дан 70 млн евро эвазига Микель Артета жамоасини тўлдирганди. Ҳимоячи лондонликлар сафида 25 та ўйинда 3 та гол ва 2 та ассистни ўз ҳисобига ёздириб қўйган.