Саудия Арабистонининг "Ал-Аҳли" футбол клуби 19 ёшли бразилиялик ҳужумчи Рикардо Матиас да Силва билан шартнома имзолашни якунлади. Аввалроқ, Матиас ўз ватанида "Интернасьонал" шарафини ҳимоя қилган.

Шартнома 2030 йилгача мўлжалланган бўлиб, янги келган футболчи 99-рақамли футболкани кияди. Унинг бўйи 192 см бўлиб, у юқори тўпларда устунликка эга, шунингдек, клубда унинг ҳужумларни якунлашдаги ажойиб маҳорати, жарима майдончасида ақлли ҳаракатланиши эътироф этилган.

Футболчи 2023 йилда Жанубий Америка U17 чемпионати ва 2025 йилда Жанубий Америка U20 чемпионатида ғолиб чиқди. 2025 йилда ҳужумчи клуб миқёсида 28 та ўйинда 6 та гол урди ва 1 та голли узатмани амалга оширди.