"Челси" бош мураббийи вазифасини бажарувчи Калум Макфарленнинг фикрича, "Манчестер Сити"га қарши ўйин олдидан жамоага ҳеч ким ишонмаган.
"Кўклар" иккинчи бўлимга қўшиб берилган дақиқаларда Энцо Фернандес томонидан киритилган гол эвазига "шаҳарликлар"дан очколарни тортиб олишга муваффақ бўлди (1:1).
"Ҳамма бизни бу ерга келади ва "Манчестер Сити"га ютқазиши муқаррар деб ўйлаганди. Ҳеч ким бизга ҳеч қандай имконият бермади. Аммо биз билардик: жамоамизда характер ҳам, истеъдод ҳам бор," - дея Макфарленнинг сўзларини келтиради журналист Бобби Винсент.
Эслатиб ўтамиз, 1 январь куни "Челси" бош мураббийи лавозимини Энцо Мареска тарк этди. Клуб яқин кунлар ичида жамоанинг янги доимий мураббийи этиб Лиам Росеньор тайинланганини эълон қилиши кутилмоқда.
