Мадриднинг "Реал" клуби ҳужумчиси Гонсало Гарсия Ла Лига 19-туридан ўрин олган "Бетис"га (5:1) қарши баҳсда хет-трик қайд этди.

21 ёшли футболчи "идеал хет-трик" қайд этди - чап оёқ, ўнг оёқ ва бош билан гол урди. Madrid Xtra хабарига кўра, Гарсия 2015 йилдан буён бундай натижа қайд этган "қаймоқранглилар"нинг бешинчи футболчиси бўлди. Бу натижага Криштиану Роналду уч марта, Карим Бензема, Гарет Бэйл ва Родриго бир мартадан эришганди.

Эътиборлиси, якшанба кунги "Бетис"га қарши баҳсга қадар Гонсало Гарсия жорий мавсумда гол урмаган эди. Испаниялик футболчи камдан-кам ҳолларда асосий таркибда майдонга тушади, чунки унинг рақобатчиси ҳозирда жароҳат олган Килиан Мбаппе ҳисобланади.